Жети-Өгүздө зордукталган 9 жаштагы кыз Бишкекте медициналык кароодон өтүп жатат. Окуя эмгек, социалдык камсыздоо жана миграция министринин көзөмөлүндө.
Ведомстводон билдиришкендей, аймактык башкармалыктын кызматкерлери кызды жана үй-бүлөнү экспертизадан жана тергөөнүн башка этаптарынан өтүүдө коштоп жүрүшөт. Кызга жана үй-бүлөгө психологиялык, медициналык, юридикалык жардам көрсөтүлдү. Учурда зомбулукка кабылган кыз Бишкекте медициналык кароодон өтүп жатат.
Эмгек министрлигинин аймактык башкармалыгы Жети-Өгүз райондук мамлекеттик администрациясынын алдындагы Балдар иштери боюнча комиссиянын кароосуна жашы жете электер менен иштөөнүн жеке планын иштеп чыгып, кароого киргизди, ал жардамдын бардык түрлөрүн камтыйт.
Пикирлер (0)
Пикир жок. Сиз биринчилерден болушуңуз мүмкүн