Биздин жерге кирип келип, балдарыбызды атып жаткан тажик аскерлерди эч ойлонбостон атыш керек эле. Мындай пикирин Жогорку Кеңештин мурдагы депутаты Жылдыз Жолдошова Майраш Базлакуновага берген маегинде билдирди.
Анын айтымында, агрессиялык чабуул менен Кыргызстанга кирген тажик аскерлерине каршы ок атылыш керек эле.
"Баткенде тынч жаткан элдин үйүн өрттөп, өздөрүн кичинекей наристелерин тажиктер атып жатса, эл аралык уюмдар эмне дейт экен деп ойлонуп турбастан кайра атыш керек эле.
Элестетиңиз үйүңүзгө каракчылар кирип малыңызды уурдап, үйүңүздү өрттөп жатса.
Мен Тажкистандын территориясына кирип барып элин ат деп айтып жаткан жокмун. Мен биздин өлкөнүн бүтүндүгүн бузуп кирип келген адамдарды атыш керек деп жатам.
Бул да тарых. Мезгили келгенде ачыкка чыгат",- деди Жолдошова.
Пикирлер (0)
Пикир жок. Сиз биринчилерден болушуңуз мүмкүн