Жогорку Кеңешке Фархат Исмаиловдун ордуна жаңы депутат келди

Борбордук шайлоо комиссиясы Жогорку Кеңештин бош калган депутаттык мандатын Чынберди Төлөновго өткөрүп берди. Мындай чечим Борбордук шайлоо комиссиясынын жыйынында кабыл алынды.

Чынберди Төлөнов ЖКнын депутаты болуп катталып, ага күбөлүк жана төш белги берилди.

Жасалма диплому ачыкка чыгып, мандатынан ажыратылган Фархат Исмаиловдун ордуна Чынберди Төлөнов депутат болду. Мындай чечимге экс-депутат сотко нааразы болуп кайрылган, бирок талабы канааттандырылган эмес.