Жогорку Кеңештин эки депутаты мандатын тапшырды

Жогорку Кеңештин депутаттары Мейкинбек Абдалиев жана Канат Керезбеков мандатын тапшырды. Бул тууралуу БШКнын маалымат кызматы билдирди.

Маалыматка ылайык, 3-ноябрда Борбордук шайлоо комиссиясы аты аталган депутаттардын ыйгарым укуктарын жокко чыгаруу чечимин кабыл алган.

Алар өз арыздарынын негизинде депутаттык мандаттан баш тарткан.

Канат Керезбеков "Кыргызстан социал-демократтар партиясынан", Мейкинбек Абдалиев "Өнүгүү-Прогресс" партиясынын өкүлү болгон.