Жогорку Кеңештин вице-спикерлигине 2 талапкер көрсөтүлдү

Жогорку Кеңештин бүгүнкү жалпы жыйынында депутаттар вице-спикерди тандоону чечти.

Вице-спикерди тандоо түштөн кийин каралат. Вице-спикерликке депутат Мамасадык Бакиров жана Улугбек Садиков көрсөтүлдү.

Эске салсак, Жогорку Кеңештин төрагасы Талант Мамытов шайлоого катышып жаткандыктан милдетин убактылуу токтоткон. Ал эми вице-спикер Нурбек Сыдыгалиев шайлоого катышкандыктан кызматын биротоло тапшырып кеткен.