Жогорку сот Борбордук шайлоо комиссиясынын «Кыргызстан» партиясы боюнча жазган кассациялык даттануусун канааттандырган жок. Мындай чечим бүгүн, 1-сентябрда соттун отурумунда кабыл алынды.
Жогорку сот Бишкек шаарынын административдик сотунун чечимин күчүндө калтырды.
Буга чейин маалымдалгандай, 25-августта Борбордук шайлоо комиссиясы “Кыргызстан” партиясына документтерин кайтарып берүү тууралуу чечимин кабыл алган.
БШКнын өкүлү документти партиянын ыйгарым укуктуу өкүлү алып келиши керектигин айтып, бирок башка адам алып келген деген жүйөө келтирген. Ал эми "Кыргызстан" партиясы БШКнын мындай чечимин мыйзамсыз деп эсептеп, сотко кайрылган.
27-августта Бишкек шаарынын административдик соту «Кыргызстан» партиясынын Борбордук шайлоо комиссиясына (БШК) каршы жазган арызын канааттандырган болчу.
Пикирлер (0)
Пикир жок. Сиз биринчилерден болушуңуз мүмкүн