Журналист Лейла Саралаева Турсунбай Бакир уулунан 1,5 миллион сом доолаган. Бул тууралуу ал Фейсбук баракчасына билдирди.
Лейла Саралаеванын айтымында, Бишкектин Ленин райондук соту анын өкүлү Бакыт Абдыкеримовдун ар-намысын, кадыр-баркын жана ишкердик беделин коргоо боюнча доо арызын кабыл алган.
«2023-жылдын 12-августунда экс-акыйкатчы Турсунбай Бакир уулу өзүнүн баракчасына мени кемсинткен билдирүү жарыялаган. Анын Фейсбуктагы эки баракчасында жалпысынан 30 миңден ашуун катталуучу бар. Бул пост мага орду толгус моралдык азаптарды алып келип, психикалык жактан кыйнады.
Шайлоо маалында БШКнын жумушчу тобу бул кызматы үчүн Бакир уулуна 12 миң 500 сом айып салган. Бирок ал өзүнүн комментарийлеринде мени кемсинткен сөздөрүн улантып, мени “чатакчыл, көрө албас, адеп-ахлаксыз жана бактысыз аял” деп атады. Буга байланыштуу менин өкүлүм Ленин райондук сотуна 1 миллион 500 миң сом моралдык зыяндын ордун толтуруу боюнча доо арыз менен кайрылган”, - деп жазган ал.
Ал кошумчалагандай, биринчи жолугушуу 2024-жылдын 8-январына белгиленген.
Белгилей кетсек, шайлоо өнөктүгү учурунда Турсунбай Бакир уулунун үстүнөн эки жолу арыз түшүп, ага эскертүү жана айып пул салынган.
Пикирлер (0)
Пикир жок. Сиз биринчилерден болушуңуз мүмкүн