Жалган курандын 04, 2024
Убакыт: 21:56
USD
89.40
89.72
EUR
96.70
97.70
RUB
0.967
0.995

Зыян 138,6 миң сом. Кызыл-Кыяда дүкөндөрдөн акча уурдоого шектелген эки жаран кармалды

08.12.2023 15:09
359
Зыян 138,6 миң сом. Кызыл-Кыяда дүкөндөрдөн акча уурдоого шектелген эки жаран кармалды


Кызыл-Кыя шаарында түн ичинде дүкөндөрдүн кулпусун бузуп, акча уурдоого шектелген эки жаран кармалды.

Баткен облустук милициясынан билдиришкендей, Кызыл-Кыя шаарындагы темир сатуучу, курулуш буюмдарын сатуучу дүкөндөрдүн жана дарыкана ээлери милицияга арыз менен кайрылып, анда ноябрь айынын аяк чендеринен баштап, түн ичинде дүкөндөрдүн кулпусун бузуп кирип, кассасында турган акчалары белгисиз жарандар тарабынан уурдалып жаткандыгын билдиришкен.

Кызыл-Кыя шаардык милициясы тарабынан КР Кылмыш-жаза кодексинин 205-беренесинин (Уурулук) негизинде 8 арыз катталып, сотко чейинки өндүрүш иши башталган. Тергөө иштеринин жүрүшүндө жабырлануучуларга жалпысынан 138 миң 631 сом зыян келгендиги такталган.

Ыкчам-иликтөө иш-чараларынын жүрүшүндө милиция кызматкерлери тарабынан кылмышка шектелип Ош облусунун Ноокат районунун 24 жаштагы З.М. жана 18 жаштагы А.К. аттуу тургундары Кызыл-Кыя шаарынан кармалып, убактылуу кармоо жайына киргизилген.

Учурда тергөө иштери жүрүп жатат.

Теги

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн