Өкмөт 6 988,7 тонна ун таратты

Өкмөт калктын аялуу катмарына 6 988,7 тонна ун таратты. Бул тууралуу Өкмөттүн басма сөз кызматынан билдирди.

Маалыматка ылайык, Ош облусуна 1705,05 тонна ун бөлсө, анын 231,7 тоннасы эпидемиологиялык кырдаал жакшы эмес болуп турган Кара-Суу районуна, 476,85 тоннасы Ноокат районундагы калктын аялуу катмарына таратылган. Ал эми Жалал-Абад облусуна 2053,3 тонна бөлүнгөн. Анын 621,25 тонна уну өзгөчө абал кирген Сузак районуна жеткирилген.

Ал эми Баткен облусуна 775,5 тонна, Нарынга - 281,1, анын 70,4 тоннасы өзгөчө абал тартиби кирген Ат-Башы районундагы муктаждарга берилген. Чүйгө – 711,25, Ысык-Көлгө – 267,6, Таласка – 294,9 тонна ун бөлүнгөн.

Ошондой эле, Бишкек шаарына 670 тонна, Ош шаарына 230 тонна ун жеткирилген.