August 15, 2020
Убакыт: 23:10
USD
77.60
78.00
EUR
91.50
93.00
RUB
1.055
1.073

Өкмөттө “Төө ашууда” акы төлөнүүчү туннель куруу боюнча демилге каралды

Өкмөттө “Төө ашууда” акы төлөнүүчү туннель куруу боюнча демилге каралды


Биринчи вице-премьер-министри Алмазбек Баатырбеков Бишкек-Ош жолундагы Төө ашуу ашуусунда акы төлөнүүчү туннель куруу боюнча  инвестициялык демилге талкууланган кеңешме өткөрдү. Бул тууралуу өкмөттүн басма сөз кызматынан билдиришти.


“Бишкек-Ош жолу республиканын түндүк жана түштүк бөлүгүн байланыштырган негизги транспорттук каттам болуп саналат. Бул жолдун стратегиялык мааниси чоң. Ошондуктан оор жүк ташуу, коопсуздук, аба ырайынын катаал шартында каттамды бузулушун алдын ала турган  альтернативдүү туннель куруу боюнча инвестициялык долбоорлорду кароо жана талкуулоо чечими кабыл алынды, - деген биринчи вице-премьер-министр.


Бардык эл аралык стандарттарга жооп берген жана коопсуз жаңы инфраструктуралык объектти куруу менен жүк ташуу мүмкүнчүлүгү жогору болору айтылган.


Пандемиядан кийинки кризисти эске алып, бул долбоорду ишке ашыруу менен экономикалык жигердүүлүккө жакшы таасирин тийгизет жана товарлардын көлөмүнүн көбөйүшүн шарттайт. Ошондой эле ички туризмди өнүктүрүүгө салым кошот. Бул жааттагы долбоорлорду жүзөгө ашырууда тажрыйбасы бар чет элдик инвесторлорго сунуш кылабыз. Инвестициялык келишимди түзүүдө өлкө жергиликтүү жана республикалык бюджеттеги кирешелердин үлүшүн аныктоо менен максималдуу пайда табуусун эске алуу керек, - деп белгилеген Алмазбек Баатырбеков.

Теги

Пикирлер (2)

Коопсуздук коду
Ыманкул Темирбаев
Туннель ачылгандан бери эле акча алынатко. Бирок туннель мышык ыйлаарлык акыбалда. Ал акчалар кайда кетип жатат? Дагы кайсыл акчаны айтып жатасынар? Бул мезгилге чейин акча толонбой бекер откондой суйлойтго бул вице. Сен толобосон эле башка толобой деп ойлодунбу?
аскер
башкасын кыйратып коюштубу.