Өлкөдө блокпосттордун саны кыскартылат

Кыргызстанда экономикалык чөйрөнүн иши кайра жанданганына байланыштуу блокпосттордун саны кыскартылат. Бул тууралуу президент Сооронбай Жээнбеков бүгүн, 28-апрелде чакан курамдагы Коопсуздук кеңешинин жыйынында билдирди.

Анын айтымында, карантиндин узарышы менен айрым чектөөлөр өзгөрүүсүз калат.

«Мисалы, маданий-массалык иш-чараларды, той-аштарды өткөрүүгө тыюу салуу күчүндө калат. Жогорку окуу жайлар, мектептер аралыктан окутууну улантышат. Өзгөчө абал киргизилген аймактарда кирүүгө/чыгууга санитардык-карантиндик блокпосттор өзүнүн ишин улантат», - деп белгиледи мамлекет башчысы.

Ошондой эле өлкө аймагына чет элдик жарандардын киришине тыюу салуу күчүндө калат.