Өлкөдө дагы 49 дарыгерден COVID-19 аныкталды

Бир сутка ичинде өлкө боюнча 49 медицина кызматкери коронавирус жуктуруп алганы аныкталды. Бул тууралуу саламаттыкты сактоо министринин орун басары Мадамин Каратаев брифингде билдирди.

Маалыматка ылайык, бир суткада 4 медициналык кызматкер ооруканалардан айыгып чыкты. Муну менен коронавирустан айыккандардын жалпы саны 446га жетти.

Жалпысынан республика боюнча COVID-19 диагнозу менен медицина кызматкерлеринин арасында – 879 учур катталды.