29-июнда «Радуга» пансионатынын пляжында болгон мушташ фактысы боюнча Ысык-Көл РИИБнин тергөө кызматы тарабынан «Бейбаштык» беренеси боюнча кылмыш иши козголду Бул тууралуу аталган башкармалыктан билдиришти.
Буга чейин маалымдалгандай, окуядан кийин Ысык-Көл райондук ички иштер бөлүмүнө 18 адам жеткирилген.
«Алгачкы тергөө иш-чараларынын жүрүшүндө мушташка 11 жарандын түздөн-түз тиешеси бар экендиги, анын ичинде үч эс алуучу жана пансионаттын коопсуздук кызматынын сегиз кызматкери экендиги аныкталды», - деп айтылат милициянын маалыматында.
Тергөө кызматы козголгон кылмыш ишинин негизинде 34 жаштагы М.Э.ны убактылуу кармоочу жайга киргизген. Жаңжалдын башка катышуучуларына карата тергөө амалдары уланууда.
Пикирлер (0)
Пикир жок. Сиз биринчилерден болушуңуз мүмкүн