Өткөн суткада дагы 5 адам коронавирустан каза болду

Кыргызстанда өткөн сутка ичинде COVID-19 илдетинен беш адам каза болду. Бул тууралуу республикалык штабдан билдиришти.

Маалым болгондой, Ош облусунда 3, Нарын облусунда 1, Бишкек шаарында 1 адам коронавирустан улам каза болгон.  

Учурда стационарларда 2353 бейтап, ал эми 2049 бейтап амбулатордук дарылануудан өтүп жатат. 

Кыргызстан пандемия башталгандан бери коронавирустан жалпы 1108 адам каза болду.