Өзбекстанда коронавируска чалдыккандардын саны сегизге жетти

Өзбекстанда коронавирус илдетине чалдыккандардын саны 8 адамга жетти. Бул тууралуу коңшу өлкөнүнүн басылмалары жазып чыкты.

Маалыматка ылайык, коронавирустун белгилери Улуу Британиядан 14-мартта учуп келген адамдан табылган. Ошондой эле, Өзбекстанда биринчи илдет табылган аялдын дагы бир тууганынан вирус бар экен аныкталган.

Эске салсак, Өзбекстанда буга чейин коронавирус илдетине чалдыккандар алты адам адамга жеткен. Франциядан учуп келген аялдан, анын уулу жана кызынан коронавирус илдети аныкталган. Ошондой эле Түркиянын Стамбул шаарынан келген дагы бир жарандан табылган болчу. Ал эми, 16-мартта ошол Франциядан учуп келген аялдын жолдошунан жана небересинен табылган.