Сузак району. Алдын ала маалымат боюнча, 4-май күнү саат 22:50 чамасында кыска мөөнөттө жаап өткөн жамгырдын кесепетинен кокту колоттордон келген сел суулар Атабеков айыл аймагынын Кара-Жыгач, Кызыл-Багыш, Түркабад айылдарында, Барпы айыл аймагынын Жаңы-Айыл, Комсомол жана Миң-Өрүк айылдарында турак үйлөрдү каптаган. Бул тууралуу ӨКМнын басма сөз кызматы кабарлады.
Мындан сырткары Барпы а/а Б.Осмонов айылынын Муратали көчөсүндө 20 жана Авазбеков көчөсүндө 18 турак үйлөрдүн ичине сел суулар кирип, тургундар өз алдынча коопсуз жерге көчүрүлүп, Миң-Өрүк айылында 1 турак үй уурап түшкөн.
Мындан сырткары Чангет-Сай дарыясынын денгээли көтөрүлүп Барпы а/а Чокмор айылындагы турак үйлөрдү каптаган.
Учурда жеринде КР ӨКМнин Жалал-Абад облусу боюнча башкармалыгынын, Сузак райондук ӨК бөлүмүнүн ыкчам топтору жана 77 куткаруучу, техникалардын 3 жүктөгүч, 1 самосвал, 1 грейдер, 1 манипулятор, 1 манипулятор, 2 трактор МТЗ-80 тартылып кырдаалды жоюу иш-чараларын жүргүзүшүүдө.
Мындан сырткары Миң-Өрүк айылынан 15 үй бүлөө жана Кара-Жыгач айылынан 20 үй-бүлө эвакуацияланган.
Пикирлер (0)
Пикир жок. Сиз биринчилерден болушуңуз мүмкүн