Жогорку Кеңештин депутаты, "Бүтүн Кыргызстан" партиясынын лидери Адахан Мадумаров партия мүчөсү Мирлан Ураимовдун кармалышы тууралуу пикирин билдирди. Бул тууралуу ал Жогорку Кеңештин бүгүнкү жыйынында айтты.
Анын айтымында, укук коргоо органдары адамдарды түндө кармоо учурун токтотушу керек.
"Ураимов өзүнөн кичүү адамдарга да үнүн бийик көтөрбөгөн адам. Ал эмне террористпи, оор кылмыш жасадыбы? Же эмне мамлекеттен акча уурдадыбы? Же бирөөнү сабап салдыбы?
Жакшына эле суракка чакырсаңар келмек",- деди Мадумаров.
Мындан сырткары ал Ураимовдун кармалышын партияга карата басым деп баалады.
Пикирлер (0)
Пикир жок. Сиз биринчилерден болушуңуз мүмкүн