Агартуу министри Жети-Өгүздөгү мектептерде өткөн “Акыркы коңгуроо” иш-чарасына катышты

Агартуу министри Жети-Өгүздөгү мектептерде өткөн “Акыркы коңгуроо” иш-чарасына катышты.

Ведомстводон билдиришкендей, Догдуркүл Кендирбаева бүгүн, 26-майда, Ысык-Көл облусунун Жети-Өгүз районуна караштуу Кичи-Жаргылчак айылындагы Т. Мурзабеков атындагы жана С. Мендебаев атындагы мектепте, ошондой эле аталган райондун Оргочор айылындагы М. Тынаев атындагы мектепте өткөн “Акыркы коңгуроо” салтанатына катышып, мугалимдерди, окуучуларды жана алардын ата-энелерин 2024-2025-окуу жылынын аякташы менен жылуу маанайда куттуктап, изги каалоо-тилектерин айтты.

"Кендирбаева жаш муундарды окутуп, тарбиялоо ишине кошкон салымдары үчүн бир катар педагогдорго министрликтин ведомстволук сыйлыктарын тапшырып, ийгилик каалады",-деп айтылат маалыматта.