Түркиянын миллиондогон киши окуган "Сабах", "Жумхурийет" деген басылмалары Орхан Инандыны Кыргыздын атайын кызматтары кармап берди деп жазып жатышат. Мындай пикирин Жогорку Кеңештин депутаты Жанар Акаев бүгүн парламенттин жыйынында билдирди.
"Түркиянын миллиондогон киши окуган басылмалары Орхан Инандыны Кыргыздын атайын кызматтары кармап берди деп жазып жатышат. Жооп жок унчуккан жоксуңар. Бул социалдык тармактарда бирөөнүн комментарий жазып койгондугу эмес. Муну маалымат агенттиги жазды. Моюнга алгансып отурасыңар. Түркиялык гезит "бул Садыр Жапаровдун сапарынын алдында белек катары берилди" деп жазып чыгышты. Ушунун баарына чыдап отурасыңар. Миллиондогон тираж менен чыккан гезиттер, сайттар жазып жатат. Ыкчам жооп кайтаргыла да. Мынчалык коркок, байкуш болбогула да", - дейт Акаев.
Пикирлер (0)
Пикир жок. Сиз биринчилерден болушуңуз мүмкүн