Мамлекетке караштуу Megacom компаниясынын мурдагы башкы директору Акылбек Жамангулов үй камагына чыкты. Маалыматты Бишкек шаардык сотунун маалымат кызматы тастыктады.
Жамангуловдун баш коргоо чарасын өзгөртүү өтүнүчү Октябрь райондук сотунда кечээ, 20-июнда, каралган. Анда судья 12-июлга чейин үй камагына чыгаруу чечимин кабыл алган.
Эскерте кетсек, Жамангулов Башкы прокуратура тарабынан 12-март күнү кармалган. Ал бирөөнүн ири суммадагы мүлкүнө ээ болуп алган деп шектелүүдө.
Акылбек Жамангулов Megacom компаниясын 2018-2021-жылдары жетектеген. Ага чейин Жогорку Кеңештин депутаты болчу.
Пикирлер (0)
Пикир жок. Сиз биринчилерден болушуңуз мүмкүн