Акыркы окуяларга байланыштуу болушу мүмкүн. Депутат Өмүрбек Бакировдон иш бөлмөсүн бошотуп коюну талап кылышты

Президенттин Администрациясы Жогорку Кеңештин депутаты Өмүрбек Бакировдун иш бөлмөсүн бошотту. Бул тууралуу депутат билдирди.

Анын айтымында, анын бөлмөсүн эч кандай эскертүүсүз келип ачып, буюмдарды кабылдамага чыгарып койгон.

"Мен эмне болуп жатканын түшүнгөн жокмун. Жардамчым келип кабинетти бошотуп жатканын айтты.

Бизге жаңы иш бөлмө сунуштай элек.

Бул аракет акыркы окуяларга байланыштуу болушу мүмкүн",-  деп түшүндүрдү депутат.

Белгилей кетсек, Өмүрбек Бакиров Ак үйдүн 7-кабатындагы № 705 кабинетте иш алып барат.