Аламүдүн районунда гараждан өрт чыгып, 52 жаштагы жаран каза болду

Бүгүн 11-ноябрда Аламүдүн районунун Энергетик шаарчасында гараж күйүп, бир адам каза болду.

ӨКМнын басма сөз кызматы билдиргендей, өрттү өчүрүүгө саат 06:48де Бишкек шаардык N7 ӨККБдан 1 бөлүм тартылып, саат 07:34дө чектөөгө алынган. Толугу менен өрт саат 08:06да өчүрүлгөн.

Тилекке каршы өрттүн кесепетинен 1970-жылы туулган Н.В. аттуу эркек киши каза болгон. 

Учурда өрттүн келип чыгуу себеби такталууда.