Алишер Козуев, ЖК депутаты: “Кара-Суу базарында чоң чыр чыгып кетиши мүмкүн”

- Алишер Абибиллаевич, бүгүн бир топ депутаттар, анын ичинде сиз дагы Кара-Суу базарындагы чыр боюнча маселе көтөрдүңүздөр. Маселенин төркүнү эмнеде?

- Кара-Сууда мамлекеттик базар, анан жеке тараптардын базары бар. Азыр мамлекеттик базарга жетекчи болуп дайындалган жигит жанындагы жеке тараптардын да жерлерин сот аркылуу тартып алып, өзүнө кошууга аракет кылууда. Бул туура эмес. Мунун өзү “колумда кызыл китебим турса да эртең бирөө келип, үйүмдү, дачамды тартып алса боло береби?” деген кооптонууну туудурат. Бир жарым жылда иш Жогорку сотко чейин келип, тартып алууга баратат. Муну убагында токтотуп калбаса, чоң ызы-чууну пайда кылышы мүмкүн.

- Ошондо 300 кишинин баарынын кызыл китеби барбы?

- Ооба. Алардын арасында бир сотых жери бары да, 50 сотых жери барлары да бар. 

Булак: "Азия Ньюс" гезити