Араванда алгачкы түшүм жыйнала баштады. Бул тууралуу Өкмөттүн Ош облусундагы өкүлчүлүгүнүн маалымат кызматынан кабарлашты.
Ага ылайык, Ош облусунун Араван районунда салатка ылайыктуу капуста жана көк сарымсак бышып, сатыкка чыга баштаган. Алар февраль айында эле тигилген.
"Дөбө-Коргон айыл аймагынын Уйгур-Абад айылында дыйкан чарбалар тарабынан февраль айынын башында эгилген "Бассай" сортундагы капусталар бышып, базарларга чыгарыла баштады. Мындан сырткары, 18,5 тонна капуста Россия жана Казакстанга экспорттолду", — деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн