Чын курандын 06, 2025
Убакыт: 01:06
USD
86.60
87.10
EUR
94.90
95.90
RUB
1.010
1.050

Ат-Башыдагы катуу шамалдын кесепетинен 5 адам жабыркады

11.05.2024 12:00
562
Ат-Башыдагы катуу шамалдын кесепетинен 5 адам жабыркады


Ат-Башы районунда катуу шамалдын кесепетинен 5 адам жабыркады.

Президенттин Нарын облусундагы өкүлчүлүгүнөн билдиришкендей, жабыркаган беш адамдын үчөө ооруканага жаткырылган. Алардын ичинде 2 бала бар.

Нарын облусунун башчысынын орун басары Шабдан Абдырайым уулу жабыркап, Ат-Башы райондук ооруканасына жаткырылган жарандардан кабар алып, аларга материалдык колдоо көрсөттү.

Белгилей кетсек, кечээ, 10-майда Ат-Башы районунда 6 саатка созулган ылдамдыгы секундасына 24-27 метрге жеткен катуу шамал катталган.

Анын кесепетинен Ат-Башы районунда 5 адам жабыркап, 36 турак үйгө жана 6 социалдык объектиге зыян келтирилген.

Жеринде жарандык коргонуу кызматынын кезексиз отуруму өткөрүлүп, өзгөчө кырдаалдардын кесепеттерин жоюу тапшырмалары берилген.

Теги

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн