Айым депутаттар Баткендеги чыр-чатактан жаракат алгандардан кабар алышты

Вице-спикер баш болгон Жогорку Кеңештин айым депутаттары 3-май күнү Улуттук госпиталда жаткан чек ара чырында жаракат алган жарандардан кабар алышты.

"Улуттук госпиталда 11 адамга операция жасалган. Бирөөнүн башына, бирөөнүн тишине, бирөөнүн мээсине ок тийген.. 10 адам жөн эле жарандар. Операциядан кийин абалдары орточо, бирөө реанимацияда... "Головнойдо" болушкан. Дарыгерлерге рахмат, бардыгын  убагында жасашып, жарымы дароо Баткенге кетишкен. Дагы деле ошол жакта көбү иштеп жаткан кез", - деп билдирди вице-спикер Аида Касымалиева.