Айсулуу Тыныбекова Азия чемпионатындагы алгачкы беттешинде япониялык Юкако Каваиден 6:1 эсебинде утулду. Бирок ал коло байг үчүн мелдеше турган болду. Анын коло медаль үчүн беттеше турган атаандашы да белгилүү болду. Ал индиялык 18 жаштагы Сонам Сонам. Япониялык балбан кыз жарым финалда индиялык Сонамды жеңип, финалга жолдомо алган. Муну менен Тыныбековага коло байге үчүн күч сынашууга мүмкүнчүлүк түзүлдү.
Сонам кадеттер арасындагы учурдагы дүйнө чемпиону. Индиялык балбан кыздын чоңдор арасындагы алгачкы беттеши 2020-жылдын январь айында Индияда өткөн эл аралык турнирде башталган. Анда биринчи эле беттешинде утулуп, жалпы тизмеде 18-орунга илинген болчу. Ал эми Айсулуу Тыныбекова бул турнирде алтын тагынган.
Пикирлер (0)
Пикир жок. Сиз биринчилерден болушуңуз мүмкүн