Бүгүн, 8-июнда Жогорку Кеңештин депутаты Султанбай Айжигитов тажик атайын чагымчылык менен Баткендеги Булак-Башы айылын жок кылууга аракет кылып жатканын билдирди.
Анын айтымында, Булак-Башы айылында 5-10 түтүн бар. Тажик тарап миномет жана оор техникалар менен үйлөрдү жок кылгысы келет.
"Бир канча жылдан бери тажик тарап атайын чагымчылык менен Булак-Башы айылында жаңжал чыгарып, үйлөрдү жок кылууга аракет кылып жатат. Үйлөр жок болуп, адамдар көчүп кетсе тажиктер Кык жайлоосуна ээлик кылып алат",- деди депутат.
Султанбай Айжигитов эл аралык нормаларга ылайык, анклавда оор аскердик куралдар болбошу керектигин билдирип, Ворух анклавындагы оор аскердик техникаларды чыгартууну сунуштады.
Пикирлер (0)
Пикир жок. Сиз биринчилерден болушуңуз мүмкүн