Кыргызстандын грек-рим күрөшү боюнча улуттук курама командасынын мүчөсү Раззак Бейшекеев Кытайда өтүп жаткан Азия оюндарында коло медалга татыды.
Аталган мелдеште Раззак Бейшекеев 4/1 финалдан тарта катышып, 67 кг салмак категориясында күч сынашты.
Бейшекеев алгач япониялык Кацуаки Эндо менен кез келип, 1:5 эсебинде утулуп калган.
Япониялык спортчу финалга жолдомо алгандыктан, Раззак Бейшекеев жубатуучу беттешке чыгып, анда ал тажик спортчусун жеңип, коло үчүн күрөшүүгө мүмкүнчүлүк алды.
Коло үчүн беттеште Бейшекеев өзбекстандык балбанды артта калтырып, медаль тагынды.
Пикирлер (0)
Пикир жок. Сиз биринчилерден болушуңуз мүмкүн