Социалдык өнүгүү министри Улукбек Кочкоров бүгүн, 28-мартта БУУнун Дүйнөлүк азык-түлүк программасынын Кыргызстандагы жетекчиси Андреа Баньоли менен жолукту. Бул тууралуу министр өзүнүн Фейсбуктагы баракчасы аркылуу маалымдады. Жолугушууда учурдагы кыраалды эске алуу менен аз камсыз болгон үй-бүлөлөргө жардам берүү тууралуу сүйлөшүү жүргөн.
“Биздин министрлик БУУнун Дүйнөлүк азык-түлүк программасы (ВПП ООН) менен биргелешип жакыр үй-бүлөлөргө колдоо көрсөтүү максатында ишке ашырып келе жаткан долбоорлор бар. Учурдагы кырдаалды эске алып, уюмдун биздеги жетекчиси Андреа Баньоли менен жолугушуп, жогорудагы үй-бүлөлөргө тез арада миң тонна (20 000 кап) ун, 100 тонна суу май жеткирип берүүнү макулдаштык. Кудай буйруса, аз камсыз болгон ар бир үй-бүлө 3 кап ун, 15 кг. май менен камсыздалат. Кийинчерээк мына ушундай эле жол менен дагы 30 000 кап ун жакыр үй-бүлөлөргө жеткирилет”, - дейт Кочкоров.
Пикирлер (16)