Баткенде 4 өзбек жараны бара жаткан унаа жарылып кетти

Кадамжай районунда өзбек жаранынын айдаган автоунаасы жарылып кеткен.Бул тууралуу Баткен ОИИБдин Басма сөз кызматынан кабарлашты.

      2022-жылдын 6-декабрь күнү саат 10.00дөр чамасында өзбек жараны “Деу-Лассети” үлгүсүндөгү унаасын айдап баратып, Риштан-Сох автожолунун 16-километринде, тактап айтканда, Миң-Чынар айылынын батыш тарабын көздөй баратканда, унаанын кыймылдаткычына газ баллон жабдыгы орнотулгандыктан кокусунан жарылып кеткен.

     Жарылган унаада жалпысынан 4 өзбек жараны болгон,  жабыркагандар жок.

    Бул факты Кадамжай районунун маалыматтардын электрондук журналына катталып, текшерүү иштери жүрүп жатат.