Өзгөчө кырдаалдар министрлигинин акыркы эсептөөлөрү боюнча, кыргыз-тажик чек арасындагы чыр-чатактын натыйжасында 136 турак үй жана 84 социалдык объект өрттөлүп жана кыйроого учураган. Бул тууралуу Өзгөчө кырдаалдар министрлигинин басма сөз кызматы билдирди.
"Өрттөлгөн жана талкаланган объектилердин арасында бир мектеп, бир ФАП, бир бала бакча, бир медициналык пункт, бир стоматология, эки дарыкана, бир китепкана, 27 май куюучу жай, 34 дүкөн, беш ашкана, үч ресторан, ошондой эле алты мамлекеттик имарат бар”, - деп билдирди аталган мекемеден.
Учурда Өзгөчө кырдаалдар министрлигинин атайын комиссиясы келтирилген чыгымдарды эсептөөнү улантууда.
Эске салсак, чек ара жаңжалында 190 кыргызстандык жапа чегип, 36 адам каза болду, анын ичинде жаш балдар да бар. Окуя болгон жерден 40 миңден ашуун адам эвакуацияланган.
Пикирлер (0)
Пикир жок. Сиз биринчилерден болушуңуз мүмкүн