Бүгүн 16-июнда Кыргызстандын Баткен жана Тажикстандын Исфара райондору чектешкен тилкеде чек аралаш облустардын башчыларынын жолугушуусу өттү.
Кыргызстандын Министрлер кабинетинин Баткендеги өкүлчүлүгү кабарлагандай, жолугушууга Баткендин жетекчиси Абдикарим Алимбаев жана Тажикстандын Согд облусунун жетекчиси Ражаббой Ахмадзода жетектеген делегациялар катышты.
Жолугушууда чек арадагы айылдардагы соңку апта ичиндеги кырдаал талкууланып, коңшу эки эл ичинде түшүндүрүү иштерин жүргүзүү, чагымчыл маалыматтарды таратпоо, чек арада маселе жаралса тийиштүү кызматтардын ыкчам аракет көрүүсү, жергиликтүү тургундардын коопсуздугу тууралуу сөз жүрдү.
Жолугушуу жыйынтыгында, эки тарап "Головной" суу бөлүштүрүүчү жайдан сууну график менен бөлүп алып, колдонуу келишимине жетишти.
Азырынча сууну кайсы тарап канча көлөмдө колдонору тууралуу так маалымат бериле элек.
Пикирлер (0)
Пикир жок. Сиз биринчилерден болушуңуз мүмкүн