Баткен районунун эки айыл өкмөтүндө өзгөчө кырдаал режими жарыяланды

Баткен районунун эки айыл өкмөтүндө өзгөчө кырдаал режими жарыяланды.

Өзгөчө кырдаалдар министрлигинен билдиришкендей, кечээ, 12-июнда нөшөрлөп жааган жаандан улам Баткен районунун Суу-Башы жана Кыштут айыл өкмөттөрүнүн аймагында сел жүргөн.

Учурда район акими, ӨКМ жана жарандык коргонуу кызматтары тарабынан жеринде тактоо иштери жүргүзүлүүдө.

Баткен районунун акиминин буйругу менен өзгөчө кырдаал режими жарыяланып, тиешелүү кызматтар өз тармагында кечиктирилгис чараларды көрүү тапшырмасы берилди.