Баткенде чек араны мыйзамсыз кесип өтүп жүргөн жаран кармалды

Баткенде Чүй облусунун тургуну кайтарууда турган чек араны мыйзамсыз бузуп өтүп келип жүргөн жеринен кармалды. 

      Баткен облусунун ички иштер башкармалыгынын маалымат кызматы билдиргендей,    экстремизмге жана мыйзамсыз миграцияга каршы аракеттенүү боюнча кызматынын кызматкерлеринин ыкчам иликтөө иштеринин натыйжасында Чүй облусунун 19 жаштагы тургуну К.Р. аныкталып кармалган. Анткени бул жаран Кыргыз Республикасынын кайтарууда турган мамлекеттик чек арасын мыйзамсыз бузуп өтүп, чет өлкөгө мыйзамсыз кирип-чыккандыгы аныкталган.     

  Азыркы күндө Кыргыз Республикасынын КЖКнин 378-беренесинин (Мамлекеттик чек арадан мыйзамсыз өтүү) негизинде кылмыш иши козголуп, топтолгон материал соттук кароого өткөрүлдү. 

.