Баткенде мектептерди ачууга даярдыктар көрүлүүдө

Баткен облусунда мектептерди ачууга даярдыктар көрүлүүдө. Бул тууралуу өкмөттүн облустагы өкүлчүлүгүнөн билдиришти. 

Маалыматка караганда, Баткен облусунда 1-6-класстын 71803 окуучусу мектепке келээри күтүлүүдө.

"Учурда мектептерде окуучулардын бир убакта массалык топтолушун алдын алуу максатында атайын график иштеп чыгуу, COVID-19 илдети менен ооруган жарандардын балдарынын саламаттыгын текшерүү маселеси каралып, ата энелерге түшүндүрүү иштери жүрүүдө", - деп айтылат маалыматта.