Баткенде милиция кызматкерлери “Азамат” медалы менен сыйланды (Фото)

Милиция кызматкерлери сыйланды.

Баткен ОИИБнын өздүк курамы жана жер-жерлерде кызмат өтөп жаткан кызматкерлер Кыргыз Республикасынын Ички иштер органдарында көп жылдан бери үзүрлүү жана кынтыксыз, ошондой эле ак ниеттүүлүк менен кызмат өтөгөндүгү үчүн Кыргыз Республикасынын ИИМнин I, II, III даражадагы “Азамат” медалы менен кызматкерлер сыйланды. Бул тууралуу Баткен ОИИБнын Басма сөз кызматы билдирди.

Алган сыйлыктары менен куттуктаган Баткен ОИИБнын начальниги милициянын полковниги Мурат Боронов: «Ар бириңиздердин аткарып жаткан кызматыңыздардын оор жана түйшүктүү экендигин билем. Мамлекетке жигердүү кызмат өтөө милдетибиз, - деп билдирди өз сөзүндө.

Иш-чаранын жыйынтыгында өздүк курамга саптык кароо өткөрүлдү.