Баткен облусунда 51 миң 398 жергиликтүү тургундар коопсуз жайларга көчүрүлдү. Бул тууралуу брифингде Баткен облусундагы ыйгарым укуктуу өкүлчүлүктүн башчысы Мунарбек Насиров билдирди.
Анын айтымында, буга иш жүзүндө Баткен шаарындагы бардык социалдык объектилер тартылган. Көптөгөн жарандар туугандарынын жана тааныштарынын үйлөрүнө убактылуу жайгашышкан.
Саат 19:00гө карата жалпы облуска 11 220 миң литр ичүүчү суу, 9,5 тонна ун, 1 миң 640 килограмм шекер, 20 тонна картошка, 5 миң 370 килограмм күрүч жана гречка, 8,5 миң литр өсүмдүк майы, 11 тонна макарон, 4 миң 240 килограмм пияз жана сабиз. Ошондой эле керектүү буюмдарды, анын ичинде оюнчуктарды алып келишет.
Пикирлер (0)
Пикир жок. Сиз биринчилерден болушуңуз мүмкүн