Урматтуу Садыр Нургожоевич!
Кудай буюрса, жакында инагурацияңыз болот. Мыйзамдуу түрдө президенттик кызматка киришесиз. Кут болсун! Ошондо Сизден бир өтүнүч: эч качан мекемелерге өзүңүздүн портретиңизди илдирбеңиз. Өзүңүздүн кабинетиңизден баштап, демилге кылып, Республиканын бардык мекемелерине Кыргыздын улуу инсандарынын гана портреттерин илдириңиз. Мурункулардын жагынуучулук саясатын кайталабаңыз. Идеал туткан улуулардын жолун улантпай, улуулардын арбагына таазим этпей, элибизди эл кылган, Ала-Тообузду ушул күнгө чейин сактап келген, эгемендүүлүгүбүз үчүн өмүрүн сайып кызмат кылган улуу баатырларыбыздын, мамлекеттик ишмерлерибиздин рухун сыйлабай, ошолордун кылган улуу иштерин мүнөт сайын эстеп турбай, кыргыз элибиз алга жылбайт! Ошон үчүн:
- Манас атанын;
- Барсбек бабанын;
- Алп Солдун;
- Мухамбет Кыргыздын (Тагай бий);
- Эр Табылдынын;
- Курманбек баатырдын;
- Тайлак баатырдын;
- Курманжан датканын;
- Алымбек датканын;
- Ж.Абдрахмановдун;
- И.Айдарбековдун;
- Т.Айтматовдун;
- Б.Исакеевдин;
- А.Орозбековдун;
- И.Раззаковдун портреттерин эмитен жакшылап даярдатып, милдеттүү түрдө илдириниз. Сиздин татыктуу Президенттик жолуңуз ушундай баалуу иштен башталса, сөзсүз жакшы үлгү да, жакшы төлгө болот!
Сулайман Рысбаев, балдар жазуучусу жана педагог
Пикирлер (7)