Шайлоодо жеңилген 5 партия бириккенин жарыялады. Алар митингге чыгышат

"Ордо", "Мекен Ынтымагы", "Чоң Казат", "Реформа", "Ыйман Нуру" партиялары бириккенин жарыялашты. 

Партиялардын өкүлдөрүнүн айтымында, алар парламенттик шайлоонун жыйынтыгын мыйзамсыз деп эсептешет. 

Алар бардык оппозициялык күчтөрдү жана жарандарды биригүүгө чакырып, саат 12:00дө "Ала-Тоо" аянтына митингге келүүгө үндөштү. 

Кыргызстанда 4-октябрда парламенттик шайлоо болуп өттү. Алдын ала жыйынтыгы боюнча 16 саясий партиянын ичинен төрт партия 7 пайыздык босогодон өттү.