Бишкек шаарында курулуп жаткан көп кабаттуу үйдөн чыккан өрт толук өчүрүлдү. Бул тууралуу Өзгөчө кырдаалдар министрлигинин маалымат кызматы кабарлады.
Маалыматка таянсак, кырсыктан жабыркагандар жок.
Учурда КР ӨКМдин өрт өчүрүүчүлөрүнүн ыкчам аракетинен улам саат 21:44тө тилсиз жоо чектөөгө алынып, өрт толук түрдө саат 23:45те өчүрүлдү.
Борбор калаабыздын чок ортосунда салынып жаткан 14 кабаттуу үйдөн чыккан тилсиз жоо менен күрөшүүгө 45 куткаручуу , 7 бөлүк тартылды.
Көп кабаттуу үйдүн эң үстүндө 30дан ашуун өрт өчүрүүчүлөр иштешүүдө. 14-кабатта курулуш материалдары тилсиз жоонун кучагында калган.
Пикирлер (0)
Пикир жок. Сиз биринчилерден болушуңуз мүмкүн