Бишкекке Араб Эмиратынан 178 жаран келди

Бүгүн, 26-апрелде «Fly Dubai» авиакомпаниясынын «Дубай-Бишкек» каттамы менен Кыргызстандын 178 жараны келди. Бул тууралуу Республикалык штабдан кабарлашты.  

Тышкы иштер министрлигинин маалыматы боюнча, эмират тарабынан Бириккен Араб Эмиратындагы Кыргызстандын жарандарын кайтарып келүү үчүн 2020-жылдын 3чү жана 10-майында кошумча каттамдарды уюштуруу боюнча болжолдуу сүйлөшүүлөр жүргүзүлгөн.