Бишкекте бейтааныш жигитке бычак менен кол салган шектүү кармалды

Бейбаштыкка шектелген жаран кармалганын Ленин райондук ички иштер башкармалыгынын басма сөз кызматы билдирди.

Кылмыш 30-августта Кулиев көчөсүндө болгон. Шектүү өтүп бара жаткан бейтааныш жигитке бычак менен кол салып, аны менен сабаган.

Аталган факты КРнын Кылмыш-жаза кодексинин 280-беренеси («Бейбаштык») менен катталган.

Милиция кызматкерлери тарабынан кылмышка шектүү катары 1993-жылы туулган М.М. кармалган. Ал убактылуу кармоочу жайга киргизилген.

Учурда тергөө иштери уланууда.