11-13-ноябрда Кыргызстанда алгачкы жолу самбо боюнча дүйнө чемпионаты өтөт. Бул тууралуу "Кабар" агенттигинде өткөн маалымат жыйынында Дене тарбия жана спорт департаментинин директору Канат Шабданбаев билдирди.
Анын айтымында, иш-чара Бишкек шаарынын Арча-Бешик конушундагы "Газпром" спорттук комплексинде өтөт.
"Бүгүнкү күндө самбо боюнча дүйнө чемпионатына дүйнөнүн 55 өлкөсүнөн 420дан ашык спортчу катышууга билдирүү беришти. Мындай масштабдуу иш-чарага даярдануу жана өткөрүүгө мамлекеттен 4 млн сомго жакын каражат бөлүндү", - деди ал.
Шабданбаев белгилегендей, учурда Кыргызстандын самбо боюнча курама командасы Ысык-Көл облусунда окуу-машыгууларын өткөрүшүүдө жана чемпионаттын өтүүсү спортту жана сергек жашоо образын жайылтууга, өлкөнүн спорттук беделин чыңдоого чоң салым кошот.
Пикирлер (0)
Пикир жок. Сиз биринчилерден болушуңуз мүмкүн