Бишкекте эки жеңил унаа кагылышып, 3 адам жабыркады

Бишкекте эки жеңил унаа кагылышып, 3 адам жабыркады. Бул тууралуу Өзгөчө кырдаалдар министрлигинин басма сөз кызматы билдирди.

Октябрь районунун, Ж.Пудовкин менен Безымянная көчөлөрүнүн кесилишинде “MERCEDES BENZ” жана “HONDA FIT” унаалары сүзүшүп кетти.

Кырсыктан 2 эркек 1973-жылы туулган Ч.Т., 2000-жылы туулган Н.А. жана 1 кыз 2007-жылы туулган Н.А. жеңил жаракат алышкан.

Жерине Бишкек шаардык Куткаруу кызматынан 5 куткаруучу тартылып, жабыркагандарды тез жардам кызматкерлерине өткөрүшүп беришти.