Бишкекте эшиги бекилип калган батирден 71 жаштагы кишинин денеси табылды

Бишкекте эшиги бекилип калган батирден 71 жаштагы кишинин денеси табылды. Бул тууралуу ӨКМнын басма сөз кызматы маалымдады.

Куткаруучулар Бишкектин 8-кичи районунда жайгашкан №1 үйдүн батиринин бекилип калган эшигин ачышкан. 

Маалыматка ылайык, батирдин ичинен 71 жаштагы П.И. аттуу эркек кишинин сөөгү табылган.

Маркумдун сөөгү милиция кызматкерлерине өткөрүлгөн.