Бишкекте турак үйдөн чыккан өрт толугу менен өчүрүлдү

Бүгүн, 24-майда Бишкекте турак үйдөн чыккан өрт толугу менен өчүрүлдү. Бул тууралуу ӨКМнын басма сөз кызматы кабарлады.

Маалыматка ылайык, Биринчи Май району, Көкчө-Тоо көчөсүндө жайгашкан турак үйдөн өрт чыккандыгы тууралуу маалымат түшкөн. 

Жерине өрттү өчүрүүгө №8 ӨКБдан 1 бөлүм, 1 суу ташуучу унаа тартылган жана №4 ӨКБдан 1 бөлүм тартылган.

Өрт саат 11:33тө чектөөгө алынып,  толук саат 12:00 өчүрүлдү.

Учурда өрттүн келип чыгуу себеби такталууда. 

Жабыркагандар жок.