Бишкектеги №47 абактан өрт чыкты

Бишкекте 10-майга караган түндө  №47 жаза аткаруу мекемесинен өрт чыкты. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка ылайык, саат 00:08де абактагы эки кабаттуу имараттан өрт чыкканы тууралуу маалымат түшкөн. 

2 өрт өчүрүүчү унаа тартылып, өрт 01:08де чектөөгө алынып, 03:00дө толук өчүрүлгөн.

Кырсыктан эч ким жабыркаган эмес.