Бишкектеги "Кыял" базарынан өрт чыкты (фото)

Ош базарына жакын жайгашкан "Кыял" базарында өрт чыкты. Бул тууралуу Өзгөчө кырдаалдар министрлигинин басма сөз кызматы маалымдады.

 “Кыял” базарында бут кийим оңдоочу, 17 даана кийим тигүүчү машиналар, идиш аяктар, суусундук сатуучу 17 даана темир контейнерлер  жана темир устундуу желим менен жабылган өтмөктөрдүн чатырлары күйгөн. Ошондой эле эки чач тарачтын пластик терезеси жана аба муздаткычы ээриген. Жалпы аянты болжол менен 100 ч.м.

Өрттү өчүрүүгө №8 АӨКБдөн бир бөлүмчө жана суу ташуучу унаа, №5 ӨККБдөн 1бөлүмчө, штаб тартылды.

Өрт саат 4:33тө чектөөгө алынып, 05:27де толук өчүрүлдү.

Өрттүн келип чыгуу себеби такталууда.