Бишкектеги стационарларда иштеген медиктер канча эмгек акы алышат?

Бишкек шаарынын күндүзгү жана түнкү стационарларында үй-бүлөлүк медицина борборлорунун дарыгерлери иштеп жатат. 

Мэриянын маалыматына караганда, күндүзгү стационарларда 236 адам, ал эми түнкү стационарларда 59 медик иштеп жатат. 

Команда 14 күндөн иштейт, андан кийин обочолонууга кетишет. Андан кийин экинчи топ жумушка киришет. Алар коргонуучу каражаттар, тамак-аш, убактылуу жашаган жер жана акысыз байланыш менен камсыздалган. 

Дарыгерлерге күн сайын төмөнкүдөй акы төлөнүп берилүүдө: 

- дарыгерлер 2 миң 300 сом,

- ортоңку медициналык персонал жана ишке тартылган башка ведомствонун кызматкерлери - 2 миң сом; 

- кичүү медициналык персонал - 1 миң 800 сом.